ھەج خىزمىتى باش ئۆمىكىنىڭ باشلىقى ئادىل ھاجى كېرىم، مۇئاۋىن باشلىقى لى گې قاتارلىقلار سۆز قىلىپ، ھەر قايسى ئۆلكىلىك، ئاپتونوم رايونلۇق ھەج خىزمىتى ئۆمىكى ۋە بىرلەشمە ئۆمەك ھەج خىزمىتى گۇرۇپپىسىنىڭ ئالدىنقى مەزگىلدىكى ھەج خىزمىتى نەتىجىلىرىنى تولۇق مۇئەييەنلەشتۈردى ھەمدە نۆۋەتتىكى ئەھۋالدا دەم ئېلىپ دەرمان توپلاپ، ھەج پائالىيىتى ئۈچۈن تولۇق تەييارلىق قىلىشنى تەكىتلىدى؛ بولغۇسى ھەج پائالىيىتىدە ”بىخەتەرلىكنى بىرىنچى ئورۇنغا قويۇپ، ھەج پائالىيىتىنى مۇۋەپپەقىيەتلىك ئورۇنلاش“ خىزمەت نىشانىنى چوقۇم ئەمەلگە ئاشۇرۇشنى، ”ھەر قايسى ئۆلكىلىك ھەج خىزمىتى ئۆمىكى ئۆز ھاجىلىرىغا مەسئۇل بولۇش، خىزمەت سالمىقىنى ھەر قايسى ئۆمەككە چۈشۈرۈش“ خىزمەت ئۇسۇلىدا باشتىن ئاخىر چىڭ تۇرۇشنى، ”مىنا ۋە ئەرافاتتىكى ھەج پائالىيىتىنى چوقۇم ياخشى باشقۇرۇش، جىددىي ئەھۋالدىمۇ خىزمەت ئورنىدا چىڭ تۇرۇش“نى ئەمەلگە ئاشۇرۇشنى تەلەپ قىلدى.

 (ئەھمەد جيادۇڭ، يۈسۈپ جەۋۋاد ما لىچياڭ خەۋىرى؛ ئەنۋەر ھاجى مۇھەممەد تەرجىمىسى؛ تەكشۈرۈپ بېكىتكۈچى: ھاجى بارات رەجەپ)