11-ئاينىڭ 52-كۈنىدىن 82-كۈنىگىچە 71-نۆۋەتلىك مەملىكەتلىك ۋەز-تەبلىغ مۇسابىقىسى ۋە قىرائەت مۇسابىقىسى بېيجىڭدا ئۆتكۈزۈلدى. بۇ قېتىمقى مۇسابىقىدە «دۆلىتىمىزدە ئىسلام دىنىنى جۇڭگوچىلاشتۇرۇشنى سىستېمىلىق ئالغا سىلجىتىپ، جۇڭخۇا مىللىتى ئورتاق گەۋدىسى ئېڭىنى مۇستەھكەملەيلى» باش تېما قىلىندى، مۇسابىقىگە پۈتۈن مەملىكىتىمىزدىكى ھەرقايسى ئۆلكە، ئاپتونوم رايون، مەركەزگە بىۋاسىتە قاراشلىق شەھەرلىك  ئىسلام دىنى جەمئىيىتى ۋە جۇڭگو ئىسلام دىنى شۆيۈەنى قاتارلىق ئورۇنلار كۆرسەتكەن 09دىن ئارتۇق ماھىر قاتناشتى.

جۇڭگو ئىسلام دىنى جەمئىيىتىنىڭ باشلىقى ياڭ فامىڭ يېپىلىش مۇراسىمىغا قاتناشتى ھەمدە سۆز قىلدى، مۇئاۋىن جەمئىيەت باشلىقى ئادىلجان ھاجى  كېرىم ئېچىلىش مۇراسىمىدا تەبرىك سۆزى قىلدى، شۇنداقلا يېپىلىش مۇراسىمىغا رىياسەتچىلىك قىلدى، مۇئاۋىن جەمئىيەت باشلىقى جىن رۇبىن ئېچىلىش مۇراسىمىغا رىياسەتچىلىك قىلدى، مۇئاۋىن جەمئىيەت باشلىقلىرىدىن مۇكېفا، جىن جيەنخۇا قاتارلىقلار ئېچىلىش مۇراسىمىغا قاتناشتى.

ۋەز-تەبلىغ  مۇسابىقىسىدە جۇڭگو ئىسلام دىنى شۆيۈەنىدن كەلگەن  ماھىر ماجىن مىڭ بىرىنچىلىككە، بېيجىڭلىق ماھىر لۈئېن زى،يۈننەنلىك ماھىر ماشىياڭ ۋە خۇبېيلىق ماھىر لو شىياۋپىڭ ئىككىنچىلىككە، خۇنەنلىك  ماھىر جاڭ رۈيتۇ، جېجياڭلىق ماھىر بەي جۈنباۋ،جۇڭگو ئىسلام دىنى شۆيۈەنىدىن كەلگەن ماھىر خۇ جەنلۇڭ، شەندۇڭلۇق ماھىر لى چىڭلىن، جاڭسۇلۇق ماھىر دەي ۋېنشۈەن قاتارلىقلار ئۈچىنچىلىككە ئېرىشتى.  قىرائەت مۇسابىقىسىدە يۈننەنلىك ماھىر ما مىڭ جيې بىرىنچىلىككە،جۇڭگو ئىسلام دىنى شۆيۈەنىدىن كەلگەن ماھىر دىڭ جىرۇڭ، نىڭشيالىق ماھىر خىي جەنسىن، چىڭخەيلىك ماھىر يەن ئابدۇ ئىككىنچىلىككە، ئىچكى مۇڭغۇللۇق ماھىر دىڭ شىياۋلۇڭ، گەنسۇلۇق ماھىر مارۇيىڭ،خېنەنلىك ماھىر فىڭ يۈچۈەن، يۈننەنلىك ماھىر ما لىتاۋ، جۇڭگو ئىسلام دىنى شۆيۈەنىدىن كەلگەن ماھىر ئىدىرىس بارى ئۈچىنچىلىككە ئېرىشتى.

بۇ قېتىمقى مۇسابىقىنىڭ باش تېمىسى ئېنىق، مۇسابىقىگە قاتناشقان ماھىرلار باش تېمىنى زىچ چۆرىدەپ، كلاسسىك ئەسەرلەردىن نەقىل كەلتۈرۈپ، چۇڭقۇر چۈشەندۈرۈپ، ۋەتەنپەرۋەرلىك روھىنى زور كۈچ بىلەن ئەۋج ئالدۇرۇپ، قانۇنچىللىق روھىنى تولۇق نامايەن قىلىپ، دىننى مەدەنىيەت ئارقىلىق ئۇزۇقلاندۇرۇشتا باشتىن-ئاخىر چىڭ تۇرۇپ، ئىسلام دىنىي ئەقىدىسى ۋە دىنىي قائىدىلەرنى، ئىسلام دىنىنى جۇڭگوچىلاشتۇرۇشنى سىستېمىلىق ئالغا سىلجىتىش بىلەن، جۇڭخۇا مىللىتىنىڭ ئورتاق مەنىۋى ماكانىنى بەرپا قىلىش بىلەن زىچ بىرلەشتۈرۈپ چۈشەندۈرۈپ، ئېنىق بولغان ئىدىيەۋى يېتەكچىلىكنى، كۈچلۈك دىنىي ئىلىم سەۋىيەسىنى ۋە چوڭقۇر ئەمەلىي غەمخورلۇقنى نامايان قىلدى.

جەمئىيەت باشلىقى ياڭ فامىڭ مۇنۇلارنى تەكىتلىدى: پۈتۈن مەملىكەتتىكى ئىسلام  دىنى ساھەسىدىكىلەر شى جىنپىڭ يېڭى دەۋر جۇڭگوچە سوتسىيالىزم ئىدىيەسىنى يېتەكچى قىلىپ، پارتىيە 20-نۆۋەتلىك 4- ئومۇمىي يىغىنىنڭ روھىي ۋە باش شۇجى شى جىنپىڭنىڭ دىن خىزمىتى توغرىسىدىكى مۇھىم بايانلىرىنى چوڭقۇر ئۆگىنىپ، ئىزچىللاشتۇرۇپ، دۆلىتىمىزدە ئىسلام دىنىنى جۇڭگوچىلاشتۇرۇشنى سىستېمىلىق ئالغا سىلجىتىپ، جۇڭخۇا مىللىتى ئورتاق گەۋدىسى ئېڭىنى ئۈزلۈكسىز مۇستەھكەملەپ، جۇڭخۇا مۇنەۋۋەر ئەنئەنىۋى مەدەنىيىتىنى ئەۋج ئالدۇرۇپ، تەپسىر قىلىش ئاساسىنى مۇستەھكەملەپ، تەپسر قىلىش سەۋىيەسىنى ئۆستۈرۈپ، تەپسىر قىلىش مەزمۇنىنى موللاشتۇرۇپ، دۆلىتىمىز مۇسۇلمانلىرىنى سوتسىيالىستىك يادرولۇق قىممەت قارىشىنى پائال ئەمەلدە كۆرسىتىشكە يېتەكلەپ، ئىسلام دىنىنى سوتسىيالىزم جەمئىيىتىگە ئۇيغۇنلاشتۇرۇشنى يەنىمۇ ئىلگىرى سۈرۈپ، قۇدرەتلىك دۆلەت قۇرۇش، مىللەتنى گۈللەندۈرۈش ئۇلۇغ ئىشلىرىنى جۇڭگوچە زامانىۋىلاشتۇرۇش ئارقىلىق ئومۇميۈزلۈك ئالغا سىلجىتىش ئۈچۈن ئاكىتىپ تۆھپە قوشۇش كېرەك.

   تەرجىمە قىلغۇچى: ئابلىمىت ئوسمان